 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
|
Naviedvańnie doma Jakuba Kołasa
|
Znoŭ aściarožna
pa maŭkłivych schodach
Zachodžu ŭ jaho dom. Stary kažuch –
Jak zbornik prykazak
i prymavak dzivosnych.
Zabiŭšysia ŭ kutok, stajać valonki,
Pra daŭnija darohi ŭspaminajuć
I dziviacca, čamu pra ich zabyłi.
Čarnieje trubka telefonnaja, jak špak,
Na voryvie piśmovaha stała,
Dzie niedakončanaha piśma
Čarniejuć pieršyja barozny.
Niespadziavna, peŭna, hościa-śmierć
Akłiknuła jaho. I jon adkłaŭ piaro,
Ź jakim, jak z cudadziejnym tałismanam
Niepaduładny byŭ nikomu.
Adkłaŭ piaro i na sustreču vyjšaŭ.
Nat dzieci nie paśpiełi papiaredzić.
A moža nie paznałi, bo jana da kožnaha
Źjaŭlajecca pad vyhladam inakšym,
Z druhoj,
zahadkavaj uśmieškaj pa abłiččy.
I da jaho mahła pryjści
siastroju medycynskaj,
Susiedkaju, prasicielkaju niejkaj
Ci paetesaj pačynajučaj, jakaja
Pačuć chacieła svoj prysud ad Zieŭsa.
Adkłaŭ piaro... Našto jaho adkłaŭ?!
3.IV.1975.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
